ปทรเภรโปกฺขรณิโย ทสปิ ทฺวาทสปิ เตรสปิ โยชนานิ อุตฺตริตฺวา คจฺเฉยฺยาติ ฯ เกน
การเณน มหาราชาติ ฯ มหนฺตตฺตา ภนฺเต เมฆสฺสาติ ฯ เอวเมว โข มหาราช กุสลํ
พหุตรํ กตํ สกฺกา เทวมุนิสฺสาหิปิ สํวิภชฺชิตุนฺติ ฯ
ภนฺเต นาคเสน เกน การเณน อปุญฺญํ โถกํ ปุญฺญํ พหุกนฺติ ฯ ยถา
มหาราช โย โกจิ ทานํ วา เทติ สีลํ วา สมาทิยติ อุโปสถกมฺมํ วา กโรติ โส
หฏฺโฐ ปหฏฺโฐ หาสิโต ปกาสิโต ปสนฺโน ปีติเวทชาโต โหติ ตสฺส อปราปรํ ปีติ อุปฺปชฺชติ
ปีติมนสฺส ภิยฺโย กุสลํ อวฑฺฒติ ฯ ยถา มหาราช อุทปาโน อหุสลิโล สมฺปุณฺโณ
อุทเกน อุทกนฺติเก อุทเก นีหรนฺเตปิ นีหรนฺเตปิ อปราปรํ อุปฺปชฺชติ น สกฺกา โหติ
อุทกํ ขยํ เนตุํ เอวเมว โข มหาราช กุสลํ จินฺเตนฺตสฺส อปราปรํ ปีติ
อุปฺปชฺชติ ฯ วิสฺสสตํปิ เจ มหาราช ปุริโส กุสลํ กตฺวา ตํ กุสลํ อาวชฺเชยฺย อาวชฺชิเต
อาวชฺชิเต ภิยฺโย ภิยฺโย กุสลํ วฑฺฒติ ตสฺเสตํ กุสลํ สกฺกา โหติ ยทิจฺฉเกหิ สทฺธึ
สํวิภชฺชิตุํ ฯ อิทเมตฺถ มหาราช การณํ เยน กาเรณน ปุญฺญํ พหุกํ ฯ อกุสลํ ปน
มการาช กโรนฺโต วิปฺปฏิสารี โหติ วิปฺปฏิสาริสฺส จิตฺตํ ปฏิลียติ ปฏิกุฏติ ปฏิวตฺตติ
โสจติ ตปฺปติ ขียติ ปริหายติ นปฺปฏิวทฺธติ ตตฺเถว ปริยาทิยติ ฯ ยถา มหาราช
สุกฺขาย นทิยา สมนฺตปุลินาย อุณฺณตโอนตาย กุฏิลกุฏิลาย อุปริโต ปริตฺตํ อุทกํ
อาคจฺฉนฺตํ ขีจติ ปริหายติ นปฺปฏิวทฺธติ ตตฺเถว ปริยาทิยติ เอวเมว โข มหาราช อกุสลํ
กโรนฺโต วิปฺปฏิสารี โหติ วิปฺปฏิสาริสฺส จิตฺตํ ปฏิลียติ ปฏิกุฏติ ปฏินิวตฺตติ โสจติ
ตปฺปติ ขียติ ปริหายติ นปฺปฏิวทฺธติ ตตฺเถว ปริยาทิยติ ฯ อิทเมตฺถ มหาราช การณํ
เยน การเณน อกุสลํ โถกนฺติ ฯ สาธุ ภนฺเต นาคเสน เอวเมตํ ตถา สมฺปฏิจฺฉามิ
สุภินฺโน ภนฺเต นาคเสน ติตฺถิยานํ วาทกุฏิโล สุภินฺนา วาทคณฺฐิ นิหตา ปรปฺปวาทา
ลทฺธยสา ชินปุตฺตาติ ฯ

กุสลากุสลานํ มหนฺตามหนฺตภาวปญฺโห นวโม ฯ

ภนฺเต นาคเสน อิธ โลกสฺมึ นรนารี สุปินกํ ปสฺสนฺติ กลฺยาณํปิ ปาปกํปิ
ทิฏฺฐปุพฺพํปิ อทิฏฺฐปุพฺพํปิ เขมํปิ สภยํปิ กตฺตพฺพํปิ อกตฺตพฺพํปิ ทูเรปิ สนฺติเกปิ
พหุวิธานิปิ อเนกวณฺณานิปิ กปฺปสตสหสฺสานิ ปสฺสนฺติ กึ เอตฺถ สุปินํ นาม โก
วา ตํ ปสฺสตีติ ฯ นิมิตฺตเมตํ มหาราช สุปินกํ นาม ยํ ปฐมจิตฺตสฺส อาปาถํ
อุเปติ ฯ ฉ อิเม มหาราช สุปินํ ปสฺสนฺติ ฯ กตเม ฉ ฯ วาติโก สุปินกํ ปสฺสติ

ปิตฺติโก สุปินกํ ปสฺสติ เสมฺหิโก สุปินกํ ปสฺสติ สนฺนิปาติโก สุปินกํ ปสฺสติ เทวตูปสํหารโต
สุปินกํ ปสฺสติ ปุพฺพสมุทาจิณฺณตา เนมิตฺติโก สุปินกํ ปสฺสติ ฯ ตตฺถ มหาราช ยํ
เนมิตฺติกํ ตํเยว สจฺจํ อวเสสา สิยุํ มิจฺฉาติ ฯ ภนฺเต นาคเสน โย เนมิตฺติโก สุปินกํ
ปสฺสติ กึ ตสฺส จิตฺตํ สยํ คนฺตฺวา ตํ นิมิตฺตํ วิจินาติ ตํ วา นิมิตฺตํ จิตฺตสฺส
อาปาถมาคจฺฉติ อญฺโญ วา โกจิ นิมิตฺตํ ทสฺเสตีติ ฯ น มหาราช ตสฺส จิตฺตํ สยํ
คนฺตฺวา ตํ นิมิตฺตํ วิจินาติ นาปิ อญฺโญ โกจิ คนฺตฺวา ตสฺส อาโรเจสิ อถ โข
ตํเยว นิมิตฺํ จิตฺตสฺส อาปาถํ อุเปติ ฯ ยถา มหาราช อาทาโส น สยํ กุหิญฺจนํ
คนฺตฺวา ฉายํ วิจินาติ นาปิ อญฺโญ โกจิ ฉายํ อาเนตฺวา อาทาเส อาโรเปติ อถ
โข ยโต กุโตจิ ฉายา อาคนฺตฺวา อาทาสสฺส อาปาถํ อุเปติ เอวเมว โข มหาราช
น ตสฺส จิตฺตํ สยํ คนฺตฺวา ตํ นิมิตฺตํ วิจินาติ นาปิ อญฺโญ โกจิ อาคนฺตฺวา อาโรเจติ
อถ โข ยโต กุโตจิ นิมิตฺตํ อาคนฺตฺวา จิตฺตสฺส อาปาถํ อุเปตีติ ฯ
ภนฺเต นาคเสน ยนฺตํ จิตฺตํ สุปินกํ ปสฺสติ อปิ นุ ตํ จิตฺตํ ชานาติ เอวํ
นาม วิปาโก ภวิสฺสติ เขมํ วา ภยํ วาติ ฯ น หิ มหาราช ตํ จิตฺตํ ชานาติ
เอวํ นาม วิหาโก ภวิสฺสติ เขมํ วา ภยํ วาติ นิมิตฺเต ปน อุปฺปนฺเน อญฺเญสิ
กเถติ ตโต เต อตฺถํ วิภชนฺตี อิงฺฆ ภนฺเต นาคเสน ตํ การณํ ทสฺเสหีติ ฯ
ยถา มหาราช สรีเร ติลกา ปิฬกา อุฏฺฐหนฺติ ลาภาย อลาภาย วา ยสาย วา อยสาย
วา นินฺทาย วา ปสํสาย วา ทุกฺขาย วา สุขาย วา อปิ นุ โข มหาราช ติลกา
ปิฬกา ชานิตฺวา อุปฺปชฺชนฺติ มยํ อิมํ อตฺถํ ทีปยิสฺสามาติ ฯ น หิ ภนฺเต ยาทิเส
ตา โอกาเส ปิฬกา สมฺภวนฺติ ตตฺถ โอกาเส เตสํ ปิฬกํ ทิสฺวา เนมิตฺตกา พฺยากโรนฺติ
เอวํ นาม วิปาโก ภวิสฺสตีติ ฯ เอวเมว โข มหาราช ยนฺตํ จิตฺตํ สุปินกํ ปสฺสติ
น ตํ จิตฺตํ ชานาติ เอวํ นาม วิปาโก ภวิสฺสติ เขมํ วา ภยํ วาติ นิมิตฺเต ปน
อุปฺปนฺเน อญฺเญสํ กเถติ ตโต เต อตฺถํ กเถนฺตีติ ฯ
ภนฺเต นาคเสน โย สุปินกํ ปสฺสติ โส นิทฺทายนฺโต ปสฺสติ อุทาหุ ชาครนฺโต
ปสฺสตีติ ฯ โย โส มหาราช สุปินกํ ปสฺสติ น โส นิทฺทายนฺโต ปสฺสติ นาปิ ชาครนฺโต
ปสฺสติ อปิจ โอกฺกนฺเต มิทฺเธ อสมฺปตฺเต ภวงฺเค เอตฺถนฺตเร สุปินกํ ปสฺสติ ฯ
มิทฺธสมารูฬฺหสฺส มหาราช จิตฺตํ ภวงฺคคตํ โหติ ภวงฺคคตํ จิตฺตํ นปฺปวตฺตติ อปฺปวตฺตํ
จิตฺตํ สุขทุกฺขํ นปฺปฏิวิชานาติ อปฺปฏิวิชานนฺตสฺส สุปิโน น โหติ ปวตฺตมาเน จิตฺเต

สุปินกํ ปสฺสติ ฯ ยถา มหาราช ติมิเร อนฺธกาเ อปิปภาเส สุปริสุทฺเธปิ อาทาเส
ฉายา น ทิสฺสนฺติ เอวเมว โข มหาราช มิทฺธสมารูฬฺเห จิตฺเต ภวงฺคคเต ติฏฺฐหนฺเตปิ
สรีเร จิตฺตํว อปฺปวตฺตํ โหติ อปฺปวตฺเต จิตฺเต สุปินกํ น ปสฺสติ ฯ ยถา มหาราช
อาทาโส เอวํ สรีรํ ทฏฺฐพฺพํ ยถา อนฺธกาโร เอวํ มิทฺธํ ทฏฺฐพฺพํ ยถา สุริยรํสิ เอวํ
จิตฺตํ ทฏฺฐพฺพํ ฯ ยถา วา ปน มหาราช มหิโกตฺถตสฺส สุริยสฺส ปภา นน ทิสฺสนฺติ
สนฺตาเยว สุริยรํสิ อพฺภา อปฺปวตฺตา โหติ อปฺปวตฺตาย สุริยรํสิยา อาโลโก น
โหติ เอวเมว โข มหาราช มิทฺธสมารูฬฺหสฺส จิตฺตํ ภวงฺคคตํ โหติ ภวงฺคคตํ จิตฺตํ
นปฺปวตฺตติ อปฺปวตฺเต จิตฺเต สุปินกํ น ปสฺสติ ฯ ยถา มหาราช สุริโย เอวํ สรีรํ
ยถา มหิโกตฺถรณํ เอวํ มิทฺธํ ยถา สุริยรํสิ เอวํ จิตฺตํ ฯ
ทฺวินฺนํ มหาราช สติ สรีเรปิ จิตฺตํ อปฺปวตฺตํ โหติ มิทฺธสมารูฬฺหสฺส
ภวงฺคคตสฺส สนฺเตปิ สรีเร จิตฺตํ อปฺปวตฺตํ โหติ นิโรธสมาปนฺนสฺส สนฺเตปิ สรีเร จิตฺตํ
อปฺปวตฺตํ โหติ ฯ ชาครนฺตสฺส มหาราช จิตฺตํ โลลํ โหติ ปากฏํ วิวฏํ จลิตํ อนิวฏํ
เอวรูปสฺส จิตฺตสฺส นิมิตฺตํ อาปาถํ น อุเปติ ฯ ยถา มหาราช ปุริสา ปากฏํ วิวฏํ
อากิณฺณํ อรหสฺสํ รหสฺสกามา อารกา ปริวชฺเชนฺติ เอวเมว โข มหาราช ชาครนฺตสฺส
ทิพฺโพ อตฺโถ อาปาถํ น อุเปติ ตสฺมา ชาครนฺโต สุปินกํ น ปสฺสติ ฯ ยถา วา
ปน มหาราช ภิกฺขุํ ภินฺนาชีวํ อนาจารํ ปาปมิตฺตํ ทุสฺสีลํ กุสีตํ หีนวิริยํ กุสลา
โพธิปกฺขิยา ธมฺมา อาปาถํ น อุเปนฺติ เอวเมว โข มหาราช ชาครนฺตสฺส ทิพฺโพ
อตฺโถ อาปาถํ น อุเปติ ตสฺมา ชาครนฺโต สุปินกํ น ปสฺสตีติ ฯ
ภนฺเต นาคเสน มิทฺธสฺส ติวิธา อตฺถีติ ฯ อาม มหาราช มิทฺธสฺส ติวิธา
อตฺถิ อาทิ อตฺถิ มชฺฌํ อตฺถิ ปริโยสา อตฺถีติ ฯ กตมํ อาทิ กตมํ มชฺฌํ กตมํ
ปริโยสานนฺติ ฯ โย มหาราช กายสฺส อุนาโห ปริโยนาโห ทุพฺพลมนฺทตา อกมฺมญฺญตา
กายสฺส อิทํ มิทฺธสฺส อาทิ ฯ โย กปินิทฺทาปเรโต วิกณฺณกํ ชคฺคติ อิทํ มิทฺธสฺส
มชฺฌํ ฯ ภวงฺคคติ ปริโยสานํ ฯ มชฺฌุปคโต มหาราช กปินิทฺาปเรโต สุปินกํ
ปสฺสติ ฯ ยถา มหาราช โย โกจิ สตฺโต ปาริตสมาหิโต ฐิตธมฺโม อจลพุทฺธิ
ปหีนโกตุหลสทฺทํ สุญฺญํ ปวิวิตฺตํ วนมชฺโฌคาหติ สุขุมํ อตฺถํ จินฺตยิตุํ เนว โส นิทฺทํ
โอกฺกมติ โส ตตฺถ สมาหิโต เอกคฺคจิตฺโต สุขุมํ ธมฺมํ ปฏิพุชฺฌติ เอวํ มิทฺธํ วิวชฺเชตฺวา
มชฺฌตฺตภูโต สุขุมํ อตฺถํ ปฏิพุชฺติ เอวเมว โข มหาราช อชาคโร น มิทฺธสมฺมาปนฺโน

มชฺฌุปคโต กปินิทฺทาปเรโต สุปินกํ ปสฺสติ ฯ ยถา มหาราช โกตุหลสทฺโท เอวํ
ชาคโร ยถา วิเวโก เอวํ กปินิทฺทาปเรโต ยถา โส โกตุหลํ โอหาย มิทฺธํ วิวชฺชิตฺวา
มชฺฌตฺตุภูโต สุขุมํ อตฺถํ ปฏิพุชฺฌติ เอวํ อชาคโร อมิทฺธสมาปนฺโน กปินิทฺทาปเรโต
สุปินกํ ปสฺสตีติ ฯ สาธุ ภนฺเต นาคเสน เอวเมตํ ตถา สมฺปฏิจฺฉามีติ ฯ

สุปินปญฺโห ทสโม ฯ

อฏฺฐโม วคฺโค ฯ